［投資不過山海關］見面七日就停牌。創紀錄啦掛。
1.但，隻嘢冇得沽空。做乜「沽空機構」咁好心機寫執告？正義定愛？係$呀DLKH
2.一路都傳（如是我聞），好多時係拎住份嘢「提醒」上市公司。你唔「識做」，我就行使我法定嘅言論自由
3.講開呢個問題，我同 利世民久不久講嘅奇書 「百辯經濟學」(Defending the defendable ) （https://bit.ly/2D2cMrR），入面有問過，勒索（撇除 擄人嗰part），black mail，敲竹槓，有何問題？
4.個邏輯好簡單，勒索者offer something more 。佢地原本有合法（一般亦合乎情理）嘅言論自由，但佢trade 咗佢，選擇行使或不行使，促進社會效率
5.形象化啲，我知道高層嘅桃色醜聞。我大可以踢爆佢，合法合理嘅權利。但有勒索，高層可以選擇 。佢選擇買起人地個權，皆大歡喜。唔買嘅，冇worse off，咪同冇勒索一樣直接爆。重點係勒索者提供咗多個選擇
6.一般如果殺人放火，你當然講公義，唔應該知情不報。但如果只係商業糾紛，或者高層私事呢？係咪乜都正義？正義很忙，孫正義都很忙
7.就今次畸屎你又諗下，如果冇「勒索」機制，你會唔會見到呢份報告？At the very beginning 就唔會寫啦，好得閒？Adam Smith啦
8.「百辯經濟學」(Defending the defendable ) 真係奇書，其實本書仲老過我，四十幾年。我初次睇時應該高中或大學，好震撼。而家當然覺得有不足，有狡辯，有避重就輕。但依然推薦畀所有人睇。
9. 本書當然係右翼新自由主義讀物（居然有人話我係左膠）。由妓女到扯皮條到「戲院中亂叫火燭嘅人」（經典嘅「言論自由」爭論，clear and present danger)。
10. 講埋個題，呢間嘢，東北佬啲frd，已完。賭波都知「南美波，古惑多」，買股票就係「投資不出山海關」
11. 之前爆煲嘅 輝山固然係東北佬。咁公平講句爆煲成日有，但有啲「食相」真係好難睇。
12. 例如「蟻力神」（艾歷臣啲friend），蟻藥壯陽，已經夠痴線。如果食蟻可以壯陽，一年內全球螞蟻一定絕種，而我冇見有民族供奉食蝗獸。更絕嘅係佢有「養蟻」計劃，你放低幾皮嘢，拎堆蟻返屋企養，年半後溢價35%同你買返- 會畀錢的話。遼寧嘢
13. 仲有，「獐子島」，啲扇貝得閒無事就死晒，鍾意又復活，之後又死，勁過羅樂林。又係遼寧
14. 呀，「南美波，古惑多」仲有個變種。就係「福建佬，X老母」。唔係偏見，statistically significant 的。東北公司同福建公司，特多古靈精怪嘢
15. 冇乜事我繼續食函館墨魚🦑先
Search